8 BAHASA JAWA BAB 1 MATERI 3

Jinising tembung miturut Aristoteles kaperang dadi 10 jinis.

1. Tembung aran (kata benda)

Tembung aran yaiku sakabehing tembung kang ngarani jenenge barang kalebu barang sing maujud uga sing ora maujud (abstrak).

Tuladha : buku, kursi, tv, piring, tas, kulkas, dipan, lemari, meja, manungsa, angin, setan, kepinteran, ngelmu, lsp.

2. Tembung kriya (kata kerja)

Tembung kriya yaiku tembung kang nerangake sakabehing tumindak utawa prakaryan. Tembung kriya ana loro, yaiku :

1. Kriya tanduk (kata kerja aktif)

Tuladha : mangan, turu, ngombe, sinau,  nembang, mlaku, adus, lsp.

1. Kriya tanggap (kata kerja pasif)

Tuladha : dipangan, diombe, disawang, diadusi, digendhong, lsp.

3. Tembung sesulih (kata ganti)

Tembung sesulih yaiku tembung kang ngganteni tembung liya.Tembung sesulih kaperang dadi limang golongan.

1. Tembung sesulih purusa (wong) : aku, kowe, dheweke
2. Tembung sesulih darbe : -ku, -mu, -e/, -ne
3. Tembung sesulih pitudhuh : iki, iku, kae, punika
4. Tembung sesulih pitakon : sapa, apa, endi,  pira, kepriye
5. Tembung sesulih panggandheng : kang, sing
6. Tembung wilangan (kata bilangan)

Tembung wilangan yaiku tembung kang nudhuhake wilangan utawa cacah.

Tuladha: siji, loro, telu, papat, seprapat, sekilo, setengah, akeh, lsp.

5. Tembung sipat (kata sifat)

Tembung sipat yaiku tembung kang nerangake sawijining barang utawa kahanan.

Tuladha: apik, elek, kandel,  pinter, bodho, pait, bunder, gedhe, cilik, lsp.

6. Tembung katrangan (kata keterangan)

Sakabehing tembung kang nerangake tembung kriya diarani tembung katrangan.

Tembung katrangan kaperang dadi loro:

1. Katrangan wektu yaiku kang nerangake wayah.

Tuladha: keri, esuk, awan, sore, mengko, wingi, gasik, lsp.

1. Katrangan panggonan yaiku kang nerangake papan/panggonan.

Tuladha: ngisor, dhuwur, ngarep, mburi, lsp.

7. Tembung panguwuh (kata seru)

Tuladha: adhuh, lhoh, hore, lho, lha, hayo, wo, lsp.

8. Tembung sandhangan (kata sandhang)

Tuladha: Si, Sang, Hyang, Kyai, Raden, Ki

9. Tembung panyambung (kata sambung)

Tembung panyambung utawa kata sambung yaiku tembung kang digunakake kanggo nyambung/nggandheng tembung utawa ukara.

Tuladha: lan, sarta, dene, mula, karo, mulane, tur, kaliyan, nanging, lsp.

10. Tembung pangarep (kata depan)

Tuladha: ing, sing, katur, kang, yen, menyang.